MARCHA DE FONDO 50 Km - 12 Horas

Folla inscrición - Tríptico: Face e envés

So estarán admitidos os que figuren na listaxe oficial de inscritos -> Listaxe actualizada

MARCHA DAS GREAS
( 7ª Etapa. 50Km)
 

Non o penses mais...    ¡ PON AS BOTAS E VEN A COMPROBALO !

REGULAMENTO

1.- Imprescindible ter feita a inscrición nas datas sinaladas e ter un mínimo de 18 anos cumpridos.
2.- A organización pode establecer un número determinado de participantes se o considera necesario para asegurar a calidade da proba.
3.- Como proba de fondo, está regulada por uns tempos mínimo e máximo. Están establecidos  puntos de control onde abandonarán a mesma os participantes retirados, ou aqueles  que teñan algún problema para continuar. Se os tempos  son cumpridos, se obterá un diploma acreditativo da etapa co tempo empregado.
4.- A obtención dos diplomas das distintas etapas darán pé a un galano ilustrativo do Sendeiro das Greas.
5.- A organización declina toda responsabilidade polos danos que poidan sufrir ou causar os participantes. Estando polo tanto exenta de calquera tipo de indemnización.
6.- O MESMO FEITO DE FACER A INSCRICIÓN CONLEVA ACEPTAR ESTE REGULAMENTO.

INFORMACIÓN INSCRICIÓN :

ROTEIRO

Saída dende o Pavillón de Deportes do Concello de Baiona ás 9:00 do 10 de maio de 2008 (é preciso chegar á saída polo menos 40 minutos antes). O percorrido descurre por: Baiona, Baredo, Chan da Lagoa, Lombo, Chan da Figueira, Portavedra, Alto do Cereixo, Guntín, Borreiros, Belesar, As Laxes, Baíña e remata novamente en Baiona.

INDICACIÓNS

RECOMENDACIÓNS IMPORTANTES              

- Tratase dunha proba de fondo polo que convén estar preparado fisicamente e dosificar o esforzo. As condicións do terreo ou da meteoroloxía poden ser determinantes, logo, compre tomar precaucións.

- É aconsellable levar  unha mochila, o máis pequena posible, cunha cantimplora ou similar, e comida: “ Comer antes de ter fame e beber antes de ter sede”. Coida a  túa hidratación

- O calzado será cómodo e que suxeite ben o pe, para evitar rozaduras.

- Leva gorra ou viseira e crema de protección solar.

- É recomendable que os participantes dispoñan de licenza federativa ou dalgún seguro deportivo.

Anímate a participar nesta proba xa que a dificultade a podes limitar ti mesmo, pois tes catro ou cinco puntos onde te podes retirar se as forzas non dan para máis, ou no che apetece continuar. A experiencia sempre resultará gratificante pois o esforzo é moderado e sempre acompañado por outros camiñantes que farán máis levadeira a xornada. Seguiremos informando.